Están á venda as entradas de público para o partido ante o CD Mirandés deste domingo 22 de decembro ás 21:00, correspondente á 21ª xornada en LaLiga Hypermotion.
Os prezos oscilan entre os 120 euros da nova Tribuna Inferior VIP (con acceso a catering) e os 20 euros de Marathón Superior, Marathón Inferior, Pavillón Superior e Pavillón Inferior.
As entradas poden adquirirse en calquera momento a través da páxina bancada.rcdeportivo.es e na OAD até este venres co seguinte horario: de 10:00 a 13:30 e de 16:30 a 19:00 horas.
Ademais, xa está operativa tamén a posibilidade de que as socias e os socios liberen os seus asentos, en caso de non poder acudir a ABANCA-RIAZOR, nesta ligazón.
Horario da OAD este nadal
A Oficina de Atención ao Deportivista permanecerá pechada desde o luns 23 de decembro até o mércores 1 de xaneiro de 2025.
O xoves 2 e venres 3 de xaneiro abrirá de novo a OAD as súas portas no seu horario habitual, de 10:00 a 13:30 e de 16:30 a 19:00.