Álex Bergantiños, conselleiro do RC Deportivo, pasouse pola zona mixta de ABANCA-RIAZOR.
O ex capitán branquiazul confesa que "sofres máis desde fóra pero nesta nova etapa téñome que adaptar. Supoño que aos poucos o irei levando mellor".
Do partido, comentou que "o equipo se baleirou. O noso porteiro non interveu en todo o partido, tivemos moitísimas ocasións. É unha mágoa, coa ilusión que ten a xente, con máis 20.000 persoas na primeira xornada, que se escapen 2 puntos... Pero é fútbol. O importante é que o equipo traballou ben, baleirouse. É o que quere ver todo o mundo, que o equipo se entregue".
Preguntado polos 25.000 socios, quixo agradecer que "#ANOSAFORZA siga. Como dixen hai dous anos na final contra o Albacete, para non deixar caer o Dépor están eles. Están a demostrar non que o deixan caer senón que están a empuxar para arriba con todas as súas forzas. Nós desde o Club temos que responder coa máxima implicación e traballo para tentar devolverlles o esforzo que eles fan. Agradecidos e ilusionados de que poida ser este ano a volta ao fútbol profesional".
