Bodipo, con gastroenterite, e Duscher cunha sobrecarga, non se exercitaron esta mañá en Abegondo
Bodipo, cunha gastroenterite, e Duscher, cunha sobrecarga no sóleo e o xemelgo interno da perna dereita, non se exercitaron esta mañá no Mundo do Fútbol, adestramento ao que estaban citados os que non entraron na lista de convocados para o Nastic.
Mañá luns o persoal deportivista ten xornada de descanso. Todo o equipo está citado de novo o martes ás 10.30 no Mundo do Fútbol para comezar a preparar o derbi ante o Celta, o domingo 15 ás 17.00 horas en Balaídos.
