Elena Vázquez Brandón (Carballo, A Coruña, 8 de outubro de 2007) renovou o seu contrato co RC Deportivo até xuño de 2024, con opción a 2 temporadas máis.
Desta forma, o Club amarra o talento dunha futbolista que con 15 anos proclamouse subcampioa de Europa coa selección española sub-17, sendo ademais internacional en categoría sub-15.
A pasada temporada (2022-23), esta defensa central ou lateral zurda disputou 1.494 minutos co Deportivo ABANCA B, subcampión de Primeira Nacional, e anotou 6 goles.
Elena Vázquez debutou co Deportivo ABANCA nun amigable co Deportivo Alavés Gloriosas disputado o pasado 17 de febreiro e na actualidade adéstrase ás ordes de Irene Ferreras.
