Emre Çolak e Fede Valverde, que non puideron estar a disposición de Pepe Mel no debut ligueiro do pasado domingo ante o Real Madrid por sanción e polo seu contrato de cesión respectivamente, son as dúas novidades na lista de convocados do RC Deportivo para visitar mañá sábado 26 de agosto ao Levante UD (20:15 horas, Bein LaLiga) no Ciutat de València.
Bakkali, que non puido acabar o encontro ante o Real Madrid, superou as súas molestias nos isquiotibiais da súa perna dereita e entrou finalmente na convocatoria.
No adestramento desta mañá, o equipo ensaiou o disparo a porta e, a continuación, Pepe Mel dispuxo un partido táctico once para once. Carles Gil retirouse antes de finalizar a sesión cunhas molestias na zona púbica, pendente de avaliación médica nas próximas horas.
Tras o partido en Valencia, o cadro volve aos adestramentos o luns ás 10:30 horas na Cidade Deportiva.
O Deportivo viaxa mañá a Valencia, segundo este plan de viaxe:
Sábado 26 de agosto
10:30: Saída do voo chárter do Aeroporto da Coruña con destino Valencia
12:00: Chegada aproximada a Valencia e traslado ao hotel Meliá Valencia
20:15: Levante - Deportivo, no Ciutat de València
23:30: Saída do voo do Aeroporto de Valencia
Domingo 27 de agosto
01:05: Chegada aproximada a Galicia
