O Dépor ABANCA encara unha frenética semana, con dobre cita oficial.
Sen descanso despois do gran arranque ligueiro de onte domingo ante o Rayo Vallecano, o primeiro equipo feminino do Club volveu esta mañá ao traballo para preparar o partido de Copa de la Reina deste mércores 14 de setembro ás 16:30 en Abegondo (entrada libre), en eliminatoria a partido único, ao CD Parquesol de Valladolid.
Xa a fin de semana en liga toca visitar ao Real Oviedo en choque correspondente á 2ª xornada en Primera Federación FutFem. Desta forma, as deportivistas defenderán o liderado na táboa de Primeira Federación FutFem logrado após a súa goleada no partido inaugural.
A maiores, o equipo que dirixe Irene Ferreras terá catro sesións matinais na Cidade Deportiva. As futbolistas presentaranse cada día na instalación branquiazul ás 08:30 para realizar diferentes tarefas (ximnasio, vídeo...) antes de saltar ao céspede.
A planificación semanal, sempre susceptible de sufrir variación por razóns técnicas, é a seguinte:
Luns 12 de setembro
09:00 h.
Martes 13 de setembro
10:00 h.
Mércores 14 de setembro
16:30: Deportivo ABANCA - CD Parquesol (Copa de la Reina), en Abegondo (entrada libre)
Xoves 15 de setembro
Descanso
Venres 16 de setembro
10:00 h.
Sábado 17 de setembro
10:00 h.
Domingo 18 de setembro
17:00: Real Oviedo - Deportivo ABANCA, nas instalacións deportivas HFE TENSI
