Nahuel destacou esta mañá na sala de prensa de Abegondo do Deportivo a súa fiabilidade: "Somos un equipo moi fiable. Demostrámolo en Xixón ante o Sporting, en Granada e en Málaga. Sacamos dúas vitorias e un empate. Iso di moito do equipo. É moi fiable. Esperemos que sigamos así".
Nos seus primeiros días na Coruña, o atacante arxentino confesa sentirse "moi feliz. O futbolista é ao final o que lle fai gozar e estar contento no seu traballo. Está a pasarme iso".
Da AD Alcorcón, que visita ABANCA-RIAZOR este luns 4 de marzo (21:00 horas, GOL e LaLiga 1|2|3 TV), indica que "é un rival forte como todos os da categoría. Estamos a ver que esta categoría é moi difícil. O Alcorcón vén dunha vitoria e vai vir con moitas ganas".
Pide no entanto "confiar no equipo. En casa temos que ser moi fortes. Agora vén un mes importante para nós".
É consciente o atacante arxentino que "necesitamos o apoio de todos para lograr estas 3 vitorias seguidas en ABANCA-RIAZOR e pornos na táboa o máis alto posible".
Iso si, advirte Nahuel que "primeiro hai que pensar no do luns, un partido complicado ante un rival díficil. E a partir de aí xa pensaremos nos demais".
A nivel individual, defínese como un "moi vertical nos metros finais, e busco moito o un contra un. Iso nunca o perdín. Iso é o que lle vou a dar ao equipo".
