Roberto Olabe apuntou na zona mixta de ABANCA-RIAZOR que após "un golpe na primeira parte con Antoñito comecei a ver un pouco borroso. A ver que tal mañá".
Opina que "na primeira parte estivemos ben, ata que nos meteron gol. A partir de aí eles xeraron un pouco máis e non fomos capaces de facer o que empezamos facendo. Somos conscientes do que fallamos e iso é clave para mañá poñernos a traballar para o partido de León".
Olabe quixo "agradecer á xente que veu hoxe e que vén sempre. #ANOSAFORZA non nos para de sorprender. Estamos moi agradecidos a eles. A primeira media hora que tivemos en parte foi grazas a eles".
Descarta que houbese un problema de nerviosismo: "Non nos puxemos nerviosos en toda a temporada e non nos imos a poñer agora. Sabemos onde podemos mellorar e a partir de mañá imos puír estas cousas para chegar a León da mellor maneira posible".
Recalca que "a primeira foi unha gran parte tanto en ataque como en defensa. E logo eles xogan, teñen pernas, alternativas... Gústanos atacar, ter o xogo ofensivo pero tamén temos que sentirnos cómodos en situacións como a segunda parte. Puidemos ter algún momento máis de pausa nalgún momento da segunda parte. Temos que atoparnos cómodos tanto atacando como defendendo e imos seguir insistindo para poder conseguilo".
