Óscar Gilsanz: "O que se nos pide desde o Club é sempre dar o máximo, tentar ser mellores, que o equipo vaia crecendo en todos os aspectos"

Óscar Gilsanz asegurou na sala de prensa de Abegondo que "o que se nos pide desde o Club é sempre dar o máximo, tentar ser mellores, que o equipo vaia crecendo en todos os aspectos".

Lembra que "para min é moi importante construír algo que vaia máis aló de gañar un partido ou outro; que se vaia xerando un grupo, un colectivo que sexa forte en todas as situacións competitivas. A consecuencia será gañar partidos. Temos claro que hai que construír un equipo forte e que chegue ao máximo. E aí o Club pídenos ese máximo, que o equipo sexa traballador, que progresa, que vaiamos a máis porque a idea deste Club é ir a máis".

Afirmou que o Dépor ten que afrontar o encontro deste domingo 13 de abril ás 18:30 (LaLiga TV Hypermotion) en Anduva ante o CD Mirandés "non pensando nos que nos pode supor senón pensando no reto que supón o propio partido". 

O técnico deportivista advirte que o partido "vai examinar a nosa capacidade que queremos que teña o equipo, esa mentalidade forte de saber que hai momentos dos partidos nos que vas estar incómodo. E o CD Mirandés é ese equipo que fai os partidos moi incómodos os 90 minutos. E temos esa ilusión, ese reto de ser capaces de que esa mentalidade forte que cremos que estamos a construír maniféstese".

Insiste en que o conxunto burgalés "fai os partidos moi difíciles pola incomodidade de terlle que gañar duelos continuamente a un equipo que é o que máis duelos gaña en todas as zonas do campo; co cal temos que estar tan centrados no que vai pasar os 90 minutos que pensar no que nos poida supor".