Víctor Narro incorporouse esta mañá aos adestramentos co grupo de futbolistas que onte non actuaron de inicio ante o Linares Deportivo en ABANCA-RIAZOR.
Para estes xogadores, ao que hai que sumar ao fabrilista Brais Val, houbo unha intensa xornada cun quecemento, roda de pases, roldo, unha tarefa de duelos con finalizacións e fútbol en espazo reducido, de alta intensidade.
Completada a sesión con normalidade cunha máscara facial protectora, Víctor Narro queda á espera, iso si, do visto e prace dos Servizos Médicos do RC Deportivo nos próximos días para competir.
Os titulares onte tiveron unha mañá de recuperación física, con carreira continua, estiramentos, ximnasio e fisioterapia.
Están con adestramento individualizado Jaime, Isi e Trilli, supervisado polo readaptador Álex Canosa.
Mañá martes haberá xornada de descanso. O equipo volve aos adestramentos o mércores ás 10:30 para comezar a preparar a seguinte cita ligueira, o domingo 23 de outubro ás 18:00 horas en Valdebebas ante o Real Madrid Castilla, correspondente á 9ª xornada no grupo1º de Primera RFEF (InSports.tv).
