No Departamento de Seguridade do Club o novo director de seguridade é Pablo Martín Reyes. Profesor de Educación Física pola Universidade de Salamanca, tras o seu paso pola Escola Xeral Militar de Zaragoza ostentaba, ata a súa contratación polo Deportivo, o cargo de Tenente do Exército de Terra desde o ano 2007, destinado en misións internacionais da OTAN, en Kósovo 2008, Afganistan 2012 e en Iraq 2015. É Director de Seguridade e Investigación pola Universitat de Vic (Barcelona), escolta privado e vixiante de seguridade.
Juan Lagarda, ata este momento responsable de seguridade do Deportivo, ademais das tarefas dentro do Departamento de seguridade, será a partir desta tempada 2016-2017 o Oficial de Ligazón para os Afeccionados (OEA), unha figura impulsada por UEFA e a RFEF para mellorar as relacións entre os afeccionados e o Club. Juan Lagarda personalizará perfectamente o vínculo entre ambos, tanto en Riazor como nos desprazamentos, ao ser un profesional unido ao Deportivo durante máis de tres décadas. Entre outros labores está a de comunicar aos afeccionados as decisións relevantes que toma o Club e transmitir as suxestións, inquietudes e necesidades dos seguidores á dirección da entidade.
Ademais destes cambios no Departamento de Seguridade, na área deportiva, o Real Club Deportivo non contará a próxima tempada cos servizos do psicólogo Macario Bravo. O Real Club Deportivo quere agradecer a Macario Bravo todo o traballo desenvolvido durante as últimas tempadas cos diferentes equipos do Dépor.
