O Papa Francisco levou unha grata sorpresa na Sala Clementina do Palacio Apostólico do Vaticano.
Entre os asistentes a unha audiencia privada atopábase Yeray Fariñas, sacerdote e abonado deportivista que cada 15 días non falla á súa cita en ABANCA-RIAZOR desde o seu Ourense natal.
A gran ilusión de Yeray era regalar a camiseta do seu Club ao Papa. E onte tivo a oportunidade de cumprir un dos seus soños e entregarlla asinada por todo o cadro deportivista.
O Papa Francisco afirmou nada máis recibila: "Agradezo ao club e ao deportivismo este xesto. Son un máis de vós. Ánimo, sempre adiante. Rezo por vostedes".
