Están esgotadas as entradas para o partido en ABANCA-RIAZOR do próximo domingo 24 de novembro ás 16:15 ante o Sporting de Gijón.
Só quedan dispoñibles entradas soltas en función da opción que teñen os abonados e abonadas para liberar os seus asentos, en caso de non poder acudir a ABANCA-RIAZOR, nesta ligazón.
Os abonados e abonadas do RC Deportivo teñen até hoxe mércores ás 23:59 en bancada.es a posibilidade de adquirir un máximo de 2 entradas deses asentos liberados ao 25% de desconto.
Ditas localidades serán nominativas, co nome e apelidos das persoas que as van a utilizar e o abonado que fai a compra.
Xa que o encontro ante o Sporting de Gijón foi declarado de alto risco pola Comisión Estatal contra a Violencia, o Racismo, a Xenofobia e a Intolerancia no Deporte non se venderán entradas o mesmo día do partido nos despachos de billetes do Palacio dos Deportes de Riazor, que abrirán ás 14:15 só para atender incidencias de abonados e abonadas.
