Javier Irureta dispuxo no primeiro período un once formado por Dani Mallo, Manuel Pablo, Hélder, César, Romeu, Mauro, Duscher, Víctor, Amavisca, Pandiani e Tristán. Pandiani anotaría o primeiro gol e Diego Tristán transformaría un penalti.
No segundo período xogaron Molina, Héctor, Donato, Djorovic, Capdevila, Jaime, Emerson, Iván Pérez, David Pirri, Makaay e Djalminha. Este último sería expulsado polo colexiado. Makaay anotou o terceiro e definitivo gol do encontro.
O Deportivo consegue así a súa segunda vitoria nos partidos de preparación. O xoves, nova proba en Cantarrana ante o Viveiro e o sábado, en Ribadumia co Pontevedra.
