Hoxe domingo 30 de marzo xogáronse 3 partidos en ANOSACANTEIRA feminina, todos na Torre.
Esta tarde o Orzán SD Sub-21 (na foto principal da noticia) empatou co Atlético San Pedro (1-1) en Primera Autonómica e o Orzán SD Xuvenil impúxose ao UD Juvenil de Almeiras (4-2) en Segunda.
Antes, pola mañá, o Orzán SD Infantil A (na foto inferior) venceu ao Racing de Ferrol (8-1) na segunda fase da Liga Galega, grupo 1A.
A fin de semana arrincou onte sábado co partido en Abegondo do Dépor ABANCA B contra o Lóstrego CF correspondente á 26ª xornada en Tercera Federación.
Venceron As Nosas con goles de Paula Monteagudo -2- e Lucía Mariño.
Con este resultado, o filial manda na táboa con 67 puntos por 66 do Olímpico de León.
Tamén onte, o Orzán SD Infantil B caeu na súa visita ao UC Cee (3-1) na 2ª xornada do grupo 2A de a segunda fase da liga Galega.
Tivo descanso esta fin de semana o Orzán SD Cadete.
ANOSACANTEIRA está de parabén pola citación de Claudia Sande para un amigable ante Inglaterra da selección española sub-15 no que ademais anotou un gol e foi titular; de Antía Veiga para uns adestramentos coa selección española sub-16 esta semana que vén; e de Dunia Dahmouni para unha nova concentración de Marrocos sub-20 a principios do mes de abril.
Os resultados da fin de semana foron os seguintes:
Tercera Federación
26ª xornada: DEPORTIVO ABANCA B 3 (Paula Monteagudo -2- e Lucía Mariño) - LÓSTREGO CF 0
Primeira Autonómica
25ª xornada: ORZÁN SD SUB-21 1 (Claudia Sande) - ATLÉTICO SAN PEDRO 1
Segunda Autonómica
25ª xornada: ORZÁN SD XUVENIL 4 (Carmen Traba, Sofía Rodríguez, Alexia Freire e Aitana Vellón) - UD JUVENIL DE ALMEIRAS 2
Liga Galega infantil, segunda fase
Grupo 1A, 2ª xornada: ORZÁN SD INFANTIL A 8 (Alba García -5-, Amaia Sanjurjo, Lara Vázquez e Carolina Lago) - RACING DE FERROL 1
Grupo 2A, 2ª xornada: UC CEE 3 - ORZÁN SD INFANTIL B 1 (Sasha Abigail)
