A presidenta de Liga F, Beatriz Álvarez Mesa, visitou este mércores a Cidade Deportiva de Abegondo nunha visita institucional, na que se reuniu coa vicepresidenta do RC Deportivo Michelle Clemente e o conselleiro delegado Massimo Adalberto Benassi.
En primeiro lugar, acompañada polo CEO da Liga F, Pablo Vilches, compartiu un almorzo cos medios de comunicación da Coruña que habitualmente seguen a actualidade do Dépor ABANCA.
Após o encontro coa prensa, o director deportivo Kevin Cabado mostroulles as modernas instalacións da Cidade Deportiva. Para acabar a xornada, os dirixentes da Liga F foron recibidos por Michelle Clemente e Massimo Adalberto Benassi na Sala de Xuntas da Cidade Deportiva, onde trataron diferentes cuestións que afectan ao presente e o futuro do fútbol feminino español.
