A Escola RC Deportivo viviu onte sábado 8 de marzo unha bonita xornada en Abegondo para as sedes de Zas (na foto principal da noticia), Outes (foto entre o texto) e do Colexio Jesuitinas (foto inferior).
Houbo visita dos futbolistas Zakaria Eddahchouri e Diego Gómez, e moitos xogos e competicións con balón.
Esta escola de fútbol, que vai de outubro a maio, está dirixida a todos os nenos e nenas entre 6 e 14 anos que desexen complementar a súa formación de maneira máis específica con adestradores da canteira do RC Deportivo, independentemente do seu nivel de práctica.
Os interesados aínda teñen prazas libres neste segundo trimestre.
Así, na sede de Zas hai vacantes na quenda das 17:30 dos luns e na quenda das 18:00 os mércores.
Pola súa banda, no colexio Jesuitinas, exclusivo para alumnos do centro, hai prazas os mércores.
Finalmente na sede de Outes da Escola RC Deportivo existe a posibilidade de anotarse nas quendas do mércores das 16:30 e 17:30 horas.
Para calquera dúbida ou consulta acerca da actividade poden contactar coa organización no correo electrónico escola@rcdeportivo.es.