Antía Veiga Caramés (Ames, 9 de maio de 2009) foi convocada pola selección española sub-16 para o Torneo Desarrollo UEFA que se xogará en Irlanda do Norte do 10 ao 15 de marzo.
A gardameta orzanista concentrarase o vindeiro mércores 6 de marzo na localidade alacantina de Alfaz del Pi antes de viaxar a Belfast.
Os rivais de España, todos no Seaview Stadium, serán Islandia, Irlanda do Norte e Bélxica.
O calendario do combinado español é o seguinte:
Domingo 10 de marzo
11:00: ESPAÑA - ISLANDIA
Martes 12 de marzo
11:00: IRLANDA DO NORTE - ESPAÑA
Venres 15 de marzo
11:00: BÉLXICA - ESPAÑA
O regreso de Antía Veiga está previsto ao longo dese mesmo venres 15 de marzo.
Antía Veiga é un dos membros de #ANOSACANTEIRA que están no radar das categorías inferiores das seleccións nacionais dos seus países, como Kevin Sánchez, José Rey, Pablo García, Elena Vázquez e Lucía Rivas con España; Álex Delgado con Venezuela; e Amin Mustapha e Dunia Dahmouni con Marrocos.
