O Dépor completou esta mañá un adestramento cunha activación con 'futvoley' na parte inicial, e traballo táctico no campo 3 da Cidade Deportiva a continuación.
Yeremay, na sala de prensa, subliñou que o obxectivo é, respecto ao partido do pasado venres en Córdoba, "mirar as cousas malas para corrixilas, melloralas e que non pasen máis".
O talentoso atacante canario queda, iso si, con "as cousas boas que fixemos, que a pesar de non ser noso mellor partido, tamén fixemos cousas ben".
De feito, cre que o punto de mellora do Dépor está "nas áreas, atrás e adiante: conceder menos atrás e meter máis goles. Temos 3 só e temos que mellorar nas dúas áreas. E máis cousas".
Todo o cadro estivo sobre o céspede ás ordes de Imanol Idiakez.
Mañá venres 20 de setembro ás 11:00 Os Nosos realizarán a última sesión de traballo previa ao partido ante o Burgos CF deste sábado 21 de setembro ás 18:30 horas (#Vamos) en ABANCA-RIAZOR.
