-Foto:@https://www.fvf.com.ve/
Michi Apóstol está concentrada coa selección venezolana no Centro de Alto Rendemento de Margarita para disputar dous partidos amigables ante Panamá.
O primeiro deles xogouse esta pasada fin de semana.
A futbolista do Dépor ABANCA B foi titular no triunfo do seu equipo por 1-0.
A próxima cita entre ambas as seleccións, preparatoria para a Copa América 2025, será este martes 8 de abril no mesmo escenario, o Centro de Alto Rendemento de Margarita, en horario por confirmar.
Michi Apóstol, que renovou recentemente o seu contrato até xuño de 2027, adéstrase diariamente co Dépor ABANCA aínda que compite cada fin de semana co filial, líder da Tercera Federación. Esta temporada suma no Dépor ABANCA B 18 partidos xogados, 17 de titular, con 15 goles.
O calendario de partidos amigables de Venezuela, cos resultados dos xa xogados, é o seguinte:
Sábado 5 de abril
VENEZUELA 1 - PANAMÁ 0
Martes 8 de abril
Horario por confirmar: VENEZUELA - PANAMÁ, no Centro de Alto Rendemento de Margarita
Finalizado este choque, Michi Apóstol emprende viaxe de regreso á Coruña.
