A fin de semana en ANOSACANTEIRA feminina arrincou hoxe sábado co partido en Abegondo do Dépor ABANCA B contra o Lóstrego CF correspondente á 26ª xornada en Tercera Federación.
Venceron As Nosas con goles de Paula Monteagudo -2- e Lucía Mariño.
Con este resultado, o filial manda na táboa con 67 puntos por 63 do Olímpico de León, que ten que xogar o seu partido mañá domingo en Mareo ante o Sporting de Gijón B.
Tamén hoxe, o Orzán SD Infantil B caeu na súa visita ao UC Cee (3-1) na 2ª xornada do grupo 2A de a segunda fase da Liga Galega.
Para mañá domingo 30 quedan o resto de partidos, todos na Torre.
O Orzán SD Sub-21 mídese ao Atlético San Pedro (18:00) en Primera Autonómica e o Orzán SD Xuvenil ao UD Juvenil de Almeiras (16:00) en Segunda.
Antes, ás 12:15, o Orzán SD Infantil A recibe ao Racing de Ferrol (12:15) na segunda fase da Liga Galega, grupo 1A.
Ten descanso esta fin de semana o Orzán SD Cadete.
ANOSACANTEIRA está de parabén pola citación de Claudia Sande para un amigable ante Inglaterra da selección española sub-15 no que ademais anotou un gol e foi titular; e de Dunia Dahmouni para unha nova concentración de Marrocos sub-20 a principios do mes de abril.
O calendario de partidos, cos resultados dos xa xogados, é o seguinte:
Tercera Federación
26ª xornada: DEPORTIVO ABANCA B 3 (Paula Monteagudo -2- e Lucía Mariño) - LÓSTREGO CF 0
Primeira Autonómica
25ª xornada: ORZÁN SD SUB-21 - ATLÉTICO SAN PEDRO, mañá domingo 30 de marzo ás 18:00 na Torre (campo 2)
Segunda Autonómica
25ª xornada: ORZÁN SD XUVENIL - UD JUVENIL DE ALMEIRAS, mañá domingo 30 de marzo ás 16:00 na Torre (campo 1)
Liga Galega infantil, segunda fase
Grupo 1A, 2ª xornada: ORZÁN SD INFANTIL A - RACING DE FERROL, mañá domingo 30 de marzo ás 12:15 na Torre (campo 2)
Grupo 2A, 2ª xornada. UC CEE 3 - ORZÁN SD INFANTIL B 1 (Sasha Abigail)