Dunia Dahmouni está concentrada coa selección sub-20 de Marrocos no Complexo Mohamed VI en Salé.
Durante estes días celébranse dous partidos amigables ante Guinea Ecuatorial.
O segundo deles será este martes 8 de abril ás 11:00 horas.
O primeiro foi o pasado venres 4 de abril. A canteirá deportivista descansou neste encontro, que acabou con triunfo guineano por 0-2.
O calendario de Marrocos sub-20, cos resultados dos xa xogados, é o seguinte:
Venres 4 de abril
MARROCOS 0 - GUINEA ECUATORIAL 2
Martes 8 de abril
11:00 MARROCOS - GUINEA ECUATORIAL no Complexo Mohamed VI en Salé
A atacante deportivista suma até a data 15 partidos xogados co Dépor ABANCA B, deles 2 de titular, e cun total de 3 goles.
Así mesmo, no Orzán SD Sub-21 de Primera Autonómica participou no que vai de liga en 11 partidos, 9 deles de titular, e marcou 12 goles.