Non todos os deportivistas viven o Club do mesmo xeito. Por iso, a campaña mantén e desenvolve distintas opcións: abonos con localidade, modalidades sen asento fixo e abonos bonificados.

O Club impulsa un sistema para que ABANCA-Riazor estea o máis cheo posible. Ir ao partido, ceder o abono ou liberar o asento contarán como formas válidas de uso do abono. Para os 19 partidos de LaLiga EA SPORTS na casa, establécense 15 usos válidos como referencia para acceder a condicións preferentes de renovación.

A modalidade Depor JR está pensada para que os deportivistas máis pequenos formen parte do Club desde os seus primeiros anos, mantendo número de abono, antigüidade e vantaxes específicas da campaña.

O Club crea dúas novas modalidades para quen quere seguir formando parte do RC Deportivo sen contar cunha localidade fixa en ABANCA Riazor: Deportivista e Deportivista +.

Xa podes seguir ao Dépor ABANCA e ao Fabril sen necesidade de mercar un abono simpatizante nin facerte abonado. Escolle un pase de tempada por só 25€ para un dos equipos ou un pase conxunto para ambos por 45€ e goza de todos os seus partidos mediante a retirada previa dunha entrada de balde para cada encontro, sen asento fixo asignado.

O abono dixital será a forma principal de levar o teu carné sempre contigo. Quen desexe carné físico poderá solicitalo durante o proceso, cun custo de 3,5 € e envío a domicilio por correos.

A túa localidade estará reservada ata o domingo 26 de xullo. A partir do luns 27 de xullo, as localidades non renovadas quedarán liberadas para cambios de asento, cambios de modalidade, novas altas ou reasignacións internas do Club.

Os días de cambio de localidade e modalidade (de abono simpatizante a abono con localidade) serán do 29 de xullo ao 12 de agosto ás 18:00 h, exclusivamente para persoas abonadas da tempada pasada e mediante cita previa en citaprevia.rcdeportivo.es Se se renova un abono e, posteriormente, a persoa titular quere cambiar de localidade a unha grada de valor inferior, non se devolve a diferenza (nestes casos recomendamos non renovar ata as datas de cambio de asentos, tendo en conta que o asento anterior será liberado). Se se renova un abono e a persoa titular desexa cambiar de localidade a unha grada de valor superior, deberá aboar a diferenza.

A. Online: rcdeportivo.es/abonos as 24 h do día (agás bonificacións especiais). B. Transferencia: Dispoñible do 8 de xullo ata o 23 de xullo ás 13:00 h. Será imprescindible realizar o ingreso na conta indicada polo Club e enviar xustificante, copia do DNI e datos das persoas abonadas ao correo de atención ao deportivismo. Conta: ABANCA ES72 2080 0063 42 3040031088 **É imprescindible o envío do xustificante, copia do DNI, datos das persoas abonadas e asunto do mail: RENOVACIÓN POR TRANSFERENCIA a [email protected] **Sen validación expresa da Oficina de Atención ao Deportivismo, a renovación non se considerará completada. **Atención presencial para situacións de carácter excepcional. A renovación será, con carácter xeral, online ou por transferencia. A Oficina de Atención ao Deportivismo atenderá unicamente incidencias, situacións especiais, validacións documentais ou casos nos que o trámite non poida resolverse polas vías habituais. No caso de ter marcado que desexa o abono físico, terá un custo de 3,50 € e enviaráselle ao domicilio que indique no momento de renovar a través da empresa CORREOS.

As altas novas estarán suxeitas á dispoñibilidade de localidades, ao calendario da campaña, ás validacións internas e ao cumprimento dos requisitos establecidos polo Club. Nos supostos de alta, o Club poderá esixir a verificación presencial da identidade e das condicións necesarias para acollerse a unha determinada tarifa ou modalidade. Para iso poderá requirirse a presentación do xustificante de compra e dun documento oficial de identidade con fotografía. Cando non existan localidades dispoñibles, o Club poderá habilitar modalidades sen localidade ou sistemas de lista de agarda, conforme ás normas que se publiquen para a tempada.

Oficina de Atención ao Deportivismo Estadio ABANCA-RIAZOR Avenida de La Habana, s/n 15011 A Coruña Correo electrónico: [email protected] Teléfono: 981 259 500 Sede social ABANCA Riazor, Rúa Manuel Murguía S/N 15011 A Coruña Correo electrónico: [email protected] Web oficial www.rcdeportivo.es

Se xa es abonado e vas cambiar de modalidade a un abono de tempada, poderás facelo durante o período de renovación. Se se trata dunha nova alta no Club, terás que agardar ao período de altas (a partir do 24 de agosto).

Os Abonos de Tempada dan dereito exclusivamente á retirada de entradas gratuítas para cada partido do equipo ao que te subscribises, ata completar o aforo. Non terás ningunha das vantaxes asociadas ás distintas modalidades de abono (número de socio/a, antigüidade, prioridade na compra de entradas...).

Si. Ir ao partido, ceder o abono ou liberar o asento consideraranse formas válidas de uso do abono, aínda que, despois de ceder o asento, este non chegase a venderse.