O Athletic Club comunicou finalmente ao RC Deportivo que remitirá á Coruña 210 entradas ao prezo de 10 euros cada unha de cara ao partido que o vindeiro domingo 10 ás 12:00 h. disputan en Lezama o filial branquivermello e o Dépor correspondente á 31ª xornada en Primeira RFEF.
Ao ser en formato físico, as localidades venderanse, presencialmente e exclusivamente a socias ou socios do Deportivo, a partir do día e hora en que se comunique oportunamente polas canles de comunicación do Club na Oficina de Atención ao Deportivista do Estadio ABANCA-RIAZOR (avenida de La Habana s/n) dentro do seu horario habitual, de 10:00 a 13:30 e de 16:30 a 19:00 h.
Será imprescindible que a persoa que adquira as entradas, unha ou dúas por cada persoa socia, mostre o DNI orixinal (ou copia ou imaxe) de cada persoa que as vai a utilizar, e que un deles pertenza á persoa titular do abono.
A Federación de Peñas do RC Deportivo tamén xestionará pola súa conta e para os seus membros a cota do total de entradas correspondente por convenio entre ambas as entidades.
