O Real Club Deportivo e Borja Jiménez Sáez (Ávila, 21 de xaneiro de 1985) chegaron a un acordo para que o técnico abulense fágase cargo do primeiro equipo masculino as dúas próximas temporadas.
O novo adestrador Deportivista iniciou a súa carreira no Real Valladolid B na campaña 2015-2016 na que dirixiu 27 partidos ao filial valisoletano. As dúas temporadas seguintes adestrou ao CD Izarra e o Rápido de Bouzas respectivamente. A gran actuación en Segunda B co conxunto olívico, debutante na categoría e que quedou a un paso dos play-off de ascenso a Segunda, levouno ao CD Mirandés. En terras castelás mellorou os excelentes rexistros da temporada anterior en Bouzas, que lle serviron para lograr o ascenso a Segunda División con 80 puntos, 60 goles a favor e 22 vitorias, ademais de gañar a Copa Federación. A súa seguinte experiencia tamén foi un éxito, repetindo o fito do ascenso após recoller a testemuña do exdeportivista Munúa que se marchou a dirixir ao Nacional de Montevideo, no FC Cartaxena. Ao equipo murciano tivo tamén a oportunidade de adestralo media temporada en Segunda División no seu debut en LaLiga. Entre Miranda e Cartaxena Borja Jiménez deu o salto a nivel internacional, concretamente á Primeira División de Grecia para facerse cargo do Asteras Tripoli.
Borja Jiménez inicia agora, da man da secretaría técnica do Club, a planificación da Temporada 2021-2022 na que dirixirá ao equipo acompañado por Álex Martínez López (Barcelona, 3 de abril de 1973) como segundo adestrador e Luis Rodríguez Fandiño (A Coruña, 22 de xaneiro de 1978), preparador físico do Fabril na campaña que agora termina.
Jiménez e o seu equipo de traballo tomarán a substitución á fronte do primeiro cadro masculino de Rubén de la Barrera, José Manuel Martínez Paz 'Secho' e Julio Hernando, que conclúen a súa relación co Deportivo ao finalizar esta temporada e aos que o Club quere darlles as máis sinceras grazas polo traballo desenvolvido estes meses na Coruña e desexarlles as mellores sortes nos seus futuros proxectos profesionais.
