Sobre as informacións publicadas con respecto ao ex adestrador do Club Miguel Llorente, este é un asunto que tivo lugar e foi resolto hai dúas temporadas e na actualidade xa non seguen no organigrama do Club ningunha das persoas vinculadas ao mesmo.
Após revisar toda a información da que dispón o Club, concluímos que no seu día as persoas responsables seguiron todos os protocolos de compliance que estaban establecidos nese momento, contando nese proceso con profesionais independentes.
En todo caso, e máis aló da resolución tomada naquel momento, lamentamos profundamente que calquera persoa puidese sentirse tratada de forma inadecuada no noso Club e censuramos de forma contundente sempre, como non pode ser doutro xeito, calquera actitude que non responda os valores de respecto e igualdade que debe representar o fútbol.
Neste momento, o compromiso do actual Consello de Administración é garantir de forma tallante o cumprimento de todos os códigos deportivos e de comportamento que poidan darse en calquera dos seus equipos. Seguiremos avanzando con este convencemento para o presente e o futuro do RC Deportivo con todos os mecanismos que o Club ten ao seu alcance.
