Eduardo Daniel Sousa Iglesias (Tui, Pontevedra, 15 de xullo de 1991) converteuse en novo xogador do RC Deportivo para a Temporada 2022-2023.
Formado nas categorías inferiores do CD Areosa, RC Celta de Vigo e Atlético de Madrid, o porteiro tudense acabou de moldearse en Abegondo, posto que xa militou nas filas deportivistas durante cinco campañas, entre 2007 e 2012.
Edu Sousa cumpriu todo o seu ciclo xuvenil no RC Deportivo, após aterrar no verán de 2007 desde o conxunto branquivermello, co que alcanzara a internacionalidad sub-17. E foi un ciclo exitoso, xa que nas súas tres campañas no Xuvenil A, todas baixo as ordes de José Luis Devesa, proclamouse dúas veces campión do Grupo I de División de Honra: 2007-2008 e 2009-10.
Nesa última campaña, Edu Sousa xa debutou co Fabril e mesmo adestrou nalgunha ocasión co primeiro cadro. Con todo, non conseguiu asentarse no filial, no que compartiu portería con Diego Rivas, Marcos Valín, Felipe Ramos e Marc Martínez, e após xogar só 4 partidos en dúas temporadas puxo rumbo ao Pontevedra CF no verán de 2012.
Despois de nove cursos no conxunto granate, o primeiro deles co filial en Preferente Sur, en 2020 fichou polo CF Talavera de la Reina. Coa formación toledana xogou as dúas últimas campañas, totalizando 52 encontros, todos como titular, dos 62 que disputou o seu equipo no campionato ligueiro. En toda a súa carreira, Edu Sousa suma 224 partidos na categoría de bronce do fútbol nacional.
