A pouco máis de 48 horas do partido no Estadio ABANCA-RIAZOR ante o Real Oviedo, previsto para este sábado 10 de novembro (20:30 horas, Gol e LaLiga 1|2|3 TV), o Deportivo rebaixou esta mañá a intensidade do adestramento en Abegondo.
Así, con Sebastián Dubarbier co grupo na primeira parte, os futbolistas comezaron cun quecemento.
A continuación, Natxo González dividiu ao seu cadro, hoxe co fabrilista Álex Cobo, en dous grupos. Mentres un deses grupos practicaba automatismos de ataque, o outro grupo tiña fútbol-tenis.
Un exercicio de finalizacións e un repaso ás accións de estratexia puxeron o punto e final ao adestramento sobre o céspede.
Mañá venres, o equipo adestrarase en ABANCA-RIAZOR, a porta pechada, a partir das 11:00 horas.
