O RC Deportivo proxecta estes días a súa imaxe en Brasil cunha ambiciosa xira promocional en dúas das súas principais cidades: Sao Paulo e Río de Janeiro baixo a lema 'DÉ x Brasil'.
Jan Wappler, director corporativo do Club; Alejandro Vidal, responsable da área internacional; e Ana Laura Silva, responsable de proxectos internacionais, son os embaixadores deportivistas nun país moi vinculado ao RC Deportivo.
A apertada axenda deportivista arrincou o pasado martes 25 cun evento LaLiga Extra Time en Sao Paulo, consistente nun encontro entre afeccionados, institucións e representantes do fútbol español. Mauro Silva, lenda viva do deportivismo, participou nunha xornada inesquecible que serviu para estender aínda máis os lazos que unen ao RC Deportivo co país suramericano.
Este sábado 29, será a Casa de España en Río de Janeiro o epicentro. Alí proxectarase en directo o partido do Dépor na Malata ante o Racing de Ferrol, haberá sorteo de merchandising do Club, unha comida típica galega e un partido de fútbol sala.
Por este motivo, os xogadores deportivistas xogarán en Ferrol co equipamento amarelo 'A DÉ Brasil' que simboliza esta importante xira promocional nunha das grandes potencias futbolísticas mundiais.
Finalmente, o vindeiro xoves 3 de abril o RC Deportivo participará nun acto institucional de ABANCA, patrocinador principal do Club, consistente na apertura dunha sucursal en Sao Paulo.
Os embaixadores branquiazuis aproveitarán ademais estes días para visitar a varios clubs brasileiros co obxectivo de compartir experiencias e métodos de traballo; ademais de ser recibidos no Consulado de España en Sao Paulo e Rio de Janeiro.