A futbolista do Dépor ABANCA Michi Apóstol visitou hoxe luns 24 de febreiro a sede de Alvedro das Escolas RC Deportivo.
A internacional venezolana puido charlar cos alumnos e alumnas, facerse fotos e asinar autógrafos ao medio centenar de inscritos.
Esta escola de fútbol, que vai de outubro a maio, está dirixida a todos os nenos e nenas entre 6 e 14 anos que desexen complementar a súa formación de maneira máis específica con adestradores da canteira do RC Deportivo, independentemente do seu nivel de práctica.
Hai novas actividades, xornadas na Cidade Deportiva de Abegondo e sorteos de agasallos.
As inscricións están abertas nesta sede para as últimas quendas con prazas, que son os seguintes: luns ás 16:30; mércores ás 16:30 e 17:30; e venres ás 16:30 e 19:30 horas. Máis información en escola.rcdeportivo.es
Para calquera dúbida ou consulta acerca da actividade poden contactar coa organización no correo electrónico escola@rcdeportivo.es.