ANOSACANTEIRA achega dous futbolistas á selección española sub-16: a gardameta Antía Veiga Caramés (Ames, A Coruña, 9 de maio de 2009) e a atacante Claudia Sande Domínguez (A Coruña, 26 de decembro de 2010).
Ambas as canteirás branquiazuis foron convocadas para disputar dous partidos amigables ante Estados Unidos en Alicante neste mes de abril.
Antía Veiga e Claudia Sande concentraranse o mércores 16 de abril e regresarán á Coruña o luns 21 de abril.
O calendario da selección española sub-16 é o seguinte:
Sábado 19 de abril
12:00: ESPAÑA - ESTADOS UNIDOS, no Estadio Guillermo Amor de Alicante
Luns 21 de abril
11:00: ESPAÑA - ESTADOS UNIDOS, no Estadio Camilo Cano de Alicante
Antía Veiga acaba de participar nuns adestramentos con este combinado nacional na Ciudad del Fútbol de Las Rozas e disputou un total de 9 partidos esta temporada co Deportivo ABANCA B que marcha de líder no grupo 1º de Tercera Federación.
A porteira branquiazul adestrouse esta pasada pretemporada co primeiro equipo e chegou a debutar no amigable ante o Real Oviedo Femenino disputado o pasado 21 de agosto de 2024 en Abegondo.
Pola súa banda, Claudia Sande xogou 23 partidos co Orzán SD Sub-21 na Primera Autonómica, 20 deles como titular, nos que anotou 9 goles.
