Todos os equipos de ANOSACANTEIRA retornan esta semana á competición após o parón do Nadal.
O partido estrela é o do Fabril, que empolicado aos postos altos de Segunda Federación, visita a un Real Ávila CF que ten un punto máis. Será o primeiro partido da segunda volta para os de Manuel Pablo, que no parón do Nadal venceron nun amigable (1-2) ao CD Lugo de Primera Federación con goles de Bil e de Rodrigue Dipanda, un dianteiro camerunés de categoría xuvenil.
Antes, o sábado 11 ás 15:45 en Abegondo, o Xuvenil A enfróntase ao Sporting de Gijón en dezaseisavos de final da Copa del Rey, a partido único.
O Club activa o protocolo de apertura con rexistro de asistentes da Cidade Deportiva para o partido.
Poden retirar entradas dispoñibles, até esgotar as localidades e sen ningún custo adicional, todos os socios e socias do RC Deportivo que o tramiten formalmente a través da web bancada.es, na que deberán introducir a súa ID de socio e os 4 últimos números do DNI. A continuación, seleccionar unha localidade libre e posteriormente completar os seus datos de contacto e a dirección de correo electrónico onde recibir a entrada.
Con eses mesmos datos doutras persoas socias, unha única pode retirar máis dunha entrada nunha soa xestión e, deste xeito, seleccionar asentos contiguos ou próximos.
Este procedemento ten dous fins: poder solicitar e recibir a entrada e, ademais, levar un control de repartición e localización na instalación.
O RC Deportivo solicita que unicamente tramiten a entrada aqueles socios e socias que vaian poder acudir ao partido, para evitar que queden afeccionados sen poder asistir unha vez completado a repartición dos asentos nun proceso 100 % telemático.
Tamén está habilitado simultaneamente o sistema de venda de entradas para o público en xeral, a través da mesma plataforma en bancada.es e seguindo o preceptivo sistema de rexistro e pago de localidade. O prezo de cada entrada para afeccionados sen carné do RC Deportivo é de 5 euros.
Pola mañá xóganse outros dous partidos no campo de céspede sintético da Cidade Deportiva: o Cadete ante o CD Conxo Santiago ás 10:15 e o Infantil fronte á UD Santa Mariña ás 12:30.
En Salceda de Caselas o San Tirso SD Cadete visita ao Escola Fútbol DSF (16:00) e no Monte (11:00) o San Tirso SD Infantil tratará de frear ao RC Celta.
Completan a xornada do sábado os partidos dos alevíns e benxamíns na Primera A Coruña de fútbol 8.
Finalmente, para o domingo, ademais do Fabril, queda o partido do Xuvenil B ante o CD Conxo Santiago en Abegondo a partir das 12:00.
O calendario de partidos é o seguinte:
Segunda Federación
18ª xornada: REAL ÁVILA CF - FABRIL, o domingo 12 de xaneiro ás 17:00 no Estadio Adolfo Suárez (Ávila)
Clasificación: ... 2. CD Numancia, 36 puntos; 3. Real Ávila CF e Salamanca CF UDS, 27 puntos; 5. Fabril, Real Valladolid Promesas e Real Avilés Industrial, 26 puntos; 8. Rayo Cantabria e Marino de Luanco, 25 puntos...
Categoría xuvenil
Copa del Rey, dezaseisavos de final: XUVENIL A - SPORTING DE GIJÓN, o sábado 11 de xaneiro ás 15:45 en Abegondo
16ª xornada: XUVENIL B - CD CONXO SANTIAGO, o domingo 12 de xaneiro ás 12:00 en Abegondo
Clasificación da liga Nacional: 1. RC Celta B, 39 puntos; 2. Xuvenil B, 37 puntos, 3. Pabellón Ourense CF, 32 puntos... 9. CD Conxo Santiago, 21 puntos...
Categoría cadete
16ª xornada: CADETE - CD CONXO SANTIAGO, o sábado 11 de xaneiro ás 10:15 en Abegondo (campo de herba sintética)
16ª xornada: ESCOLA FÚTBOL DSF - SAN TIRSO SD CADETE, o sábado 11 de xaneiro ás 16:00 no campo Penedo Redondo (Salceda de Caselas)
Clasificación da División de Honra: 1. RC Celta, 45 puntos; 2. Cadete, 42 puntos; 3. Arosa SC e ED Val Miñor Nigrán, 29 puntos... 7. San Tirso SD Cadete, 24 puntos... 13. Escola de Fútbol DSF, 17 puntos... 17. CD Conxo Santiago, 6 puntos...
Categoría infantil
14ª xornada: INFANTIL - UD SANTA MARIÑA, o sábado 11 de xaneiro ás 12:30 en Abegondo (campo de herba sintética)
14ª xornada: SAN TIRSO SD INFANTIL - RC CELTA, o sábado 11 de xaneiro ás 11:00 no Monte
Clasificación da División de Honra: 1. Infantil, 39 puntos; 2. RC Celta, 36 puntos; 3. Racing de Ferrol, 27 puntos... 5. San Tirso SD Infantil, 24 puntos... 15. UD Santa Mariña, 5 puntos...
Categoría alevín
10ª xornada: ALEVÍN A - OZA JUVENIL SD, o sábado 11 de xaneiro ás 16:30 na Torre (campo 2.1)
10ª xornada: ORILLAMAR SD - FABRIL FC ALEVÍN, o sábado 11 de xaneiro ás 15:30 na Torre (campo 2.1)
Clasificación da Primera A Coruña de fútbol 8, subgrupo 1º: 1. Alevín A, 24 puntos; 2. Ural Español CF, 21 puntos... 5. Fabril FC Alevín, 11 puntos... 7. Orillamar SD, 7 puntos... 9. Oza Juvenil SD, 0 puntos
Categoría benxamín
10ª xornada: BENXAMÍN A - ORILLAMAR SD, o sábado 11 de xaneiro ás 16:30 na Torre (campo 2.2)
10ª xornada: SILVA SD - FABRIL FC BENXAMÍN, o sábado 11 de xaneiro ás 10:30 na Torre (campo 2.2)
Clasificación da Primera A Coruña de fútbol 8, subgrupo 1º: 1. Benxamín A, 27 puntos; 2. Fabril FC Benxamín, 24 puntos; 3. Ural Español CF (un partido menos) e CD Calasanz, 18 puntos... 8. Silva SD, 6 puntos; 9. Orillamar SD, 4 puntos...
