O Fabril mídese mañá sábado 29 de marzo ás 17:00 (TVG-2) en O Vao ao Coruxo FC en partido correspondente á 29ª xornada no grupo 1º de Segunda Federación.
Manuel Pablo asegura que "estamos ben, adestrando ben, con bo ánimo".
Os resultados da última xornada, co empate en Abegondo ante o Real Avilés Industrial, deixaron ao filial en 5ª posición con 44 puntos.
O técnico fabrilista desvelou en rolda de prensa que "estamos pendentes de Aarón e de Kike Fernández; tamén dos do primeiro equipo; máis as lesións de Noé e de Pablo García".
Pola súa banda, o Coruxo FC, que a pasada fin de semana caeu (1-0) en Pontevedra, é 12º con 33 puntos.
Na primeira volta disputada en Abegondo o 17 de novembro (12ª xornada) venceron os vigueses por 0-1.
Esta temporada en casa o Coruxo FC gañou ao Bergantiños CF (2-1), UP Langreo (3-0), UM Escobedo (3-0), UD Llanera (1-0) e SD Compostela (2-0); empatou co RS Gimnástica de Torrelavega (1-1), Real Valladolid Promesas (0-0), Real Avilés Industrial (2-2) e CD Laredo (1-1); e perdeu co CD Numancia de Soria (1-2), Salamanca CF UDS (2-3), Pontevedra CF (0-1), CD Guijuelo (0-1) e Real Ávila CF (0-1).
Álex Rey pide de aquí ao final de liga "tentar ser fortes en casa" e advirte que "temos que tentar gañar o partido como sexa, de calquera xeito e que se note desde o primeiro momento quen necesita os puntos de verdade".
Pola súa banda, o técnico Javi Pereira insiste en "mirar para nós. Temos que mellorar, conseguir unha identidade que penso que estamos a conseguir".
Do Fabril afirma que "é un equipo moi novo, moi vertical, cos extremos moi poderosos. Arriba teñen moito nivel individual e tentaremos que eles o menos cómodos posibles".