Os abonados e abonadas do RC Deportivo teñen até este mércores 20 de novembro ás 19:00 na OAD e até as 23:59 en internet para adquirir un máximo de 2 entradas cun 25% de desconto para os partidos en ABANCA-RIAZOR do próximo domingo 24 de novembro ás 16:15 ante o Sporting de Gijón (quedan menos de 100 entradas) e para o do sábado 7 de decembro ás 18:30 ante o Real Zaragoza.
Ditas entradas para abonados serán nominativas, co nome e apelidos das persoas que as van a utilizar e o abonado que fai a compra.
Os interesados poden realizalo en bancada.es ou ben na Oficina de Atención ao Deportivismo (OAD) que ten o seguinte horario este mércores: de 10:00 a 13:30 e de 16:30 a 19:00 horas.
A partir do xoves 21 de novembro ás 00:01 en bancada.es e ás 10:00 na OAD saen á venda para o resto do público.
Xa que o encontro ante o Sporting de Gijón foi declarado de alto risco pola Comisión Estatal contra a Violencia, o Racismo, a Xenofobia e a Intolerancia no Deporte non se venderán entradas o mesmo día do partido nos despachos de billetes do Palacio dos Deportes de Riazor, que abrirán ás 14:15 só para atender incidencias de abonados e abonadas.
Ademais, xa está operativa tamén a posibilidade de que as socias e os socios liberen os seus asentos, en caso de non poder acudir a ABANCA-RIAZOR, nesta ligazón.
