Óscar Gilsanz vaticinou esta mañá na sala de prensa de Abegondo que o partido de mañá luns 17 de marzo ás 20:30 en Castalia ante o CD Castellón (LaLiga TV Hypermotion) "vai ser moi esixente no físico. O rival vainos a esixir estar rápidos con balón porque presiona moi alto, vai a situacións de igualdade numérica home a home".
Así mesmo, apunta que "nos vai a esixir a nivel defensivo porque ten moita mobilidade na xente de dentro, moita calidade, xera un caudal ofensivo moi alto e ten unha maneira de xogar moi interiorizada desde hai ano e medio".
O técnico deportivista cre que a clave é "un ritmo de partido importante e se o equipo é capaz de ter a pelota a pesar da presión do rival vai ter moito adiantado porque somos dous equipos que máis xogamos co balón na liga en canto a porcentaxes de posesión".
Finalmente considera fundamental "o equilibrio que teñamos tanto na presión como nos nosos ataques porque somos dous equipos que con espazos somos perigosos. É un partido con moitos detalles e con moitos partidos nun mesmo partido".