O RC Deportivo e Yeremay Hernández Cubas (10 de decembro de 2002, Las Palmas de Gran Canaria) pactaron seguir xuntos, a pesar de todas as ofertas recibidas polo futbolista canario durante o actual mercado de fichaxes. Este é un xesto que reforza o compromiso mutuo co proxecto do Club a longo prazo.
O Club e o xogador, que ten contrato co Deportivo até 2030, foron obxecto de numerosas propostas, pero ambas as partes decidiron seguir traballando xuntos para continuar o seu crecemento mutuo.
Yeremay, consolidado como unha das grandes figuras do primeiro equipo, é un alicerce fundamental na construción do futuro do Deportivo. No que vai de temporada, o '10' branquiazul disputou 19 partidos, anotado 8 goles e ofrecido 3 asistencias, contribuíndo de maneira decisiva aos obxectivos do equipo no seu camiño de regreso ao fútbol profesional.
O RC Deportivo celebra a decisión de Yeremay de continuar escribindo a súa historia no Club e agradece a súa confianza nun proxecto que segue crecendo baseado no talento da canteira como unha das súas pezas crave.
