A pretemporada do Dépor ABANCA pasa este verán por Portugal.
Así, As Nosas concentraranse no Complexo Deportivo de Melgaço do mércores 31 ao venres 2 de agosto. Durante eses días disputarán dous amigables ante dous equipos históricos da Primeira División lusa, o SC Braga e o Sporting CP. Ambos os choques serán a porta pechada.
SD Eibar e Athletic Club, este con motivo do XII Teresa Herrera feminino e retransmitido en directo na canle oficial de YouTube do Club grazas a Auga de Parada, son os outros dous rivais xa confirmados este verán.
Así pois o calendario de partidos do Dépor ABANCA é o seguinte:
Mércores 31 de xullo
13:00 (hora galega, 12:00 en Portugal): SC Braga - Deportivo ABANCA, nas Instalacións Deportivas Monte Prado-Melgaço
Venres 2 de agosto
13:00 (hora galega, 12:00 en Portugal): Sporting CP - Deportivo ABANCA, no Estadio Vila Cha en Vila Cha
Sábado 10 de agosto
18:30: Dépor ABANCA - Athletic Club, en ABANCA-RIAZOR (XII Trofeo Teresa Herrera feminino, 📺YouTube RC Deportivo)
Sábado 17 de agosto
18:30: SD Eibar - Dépor ABANCA, no campo de fútbol de Unquera (Cantabria)