Unha serie de partidos en distancia ampla, no campo 2 de Abegondo, foi a tarefa principal do Deportivo hoxe mércores de cara á visita da Cultural Leonesa a ABANCA-RIAZOR, prevista para o sábado 19 de marzo ás 19:00 horas (fuchs-sports.com), en partido correspondente á 28ª xornada no grupo 1º de Primera RFEF.
Após un quecemento con rondos, Borja Jiménez dispuxo dous equipos de once xogadores e foi intercambiando sistemas e posicións durante toda a mañá. En mente está presente a folla de ruta para o choque ante os leoneses. Tal e como afirmou Adrián Lapeña onte ante os medios de comunicación, "o míster dános boas consignas, prepáranos plans para os partidos". Hoxe é un dos días fortes da semana dedicados a iso.
Noel, Yeremay, Alberto, Iván Guerrero e Trilli, este último con traballo individualizado, foron a representación de #ANOSACANTEIRA.
As ausencias no grupo, ademais do citado Trilli, foron Víctor e Álvaro Rey. Ambos os futbolistas continúan co seu plan específico de recuperación das súas respectivas lesións.
Mañá xoves 17 de marzo, o Dépor adestrarase de novo a partir das 10:30 en Abegondo.
