Xa están á venda as entradas de público para o partido ante o Levante UD do sábado 25 de xaneiro ás 18:30, correspondente á 24ª xornada en LaLiga Hypermotion.
Os prezos oscilan entre os 135 euros da nova Tribuna Inferior VIP (con acceso a catering) e os 25 euros de Marathón Superior, Marathón Inferior, Pavillón Superior e Pavillón Inferior.
As entradas poden adquirirse en calquera momento a través da páxina bancada.rcdeportivo.es e na OAD de luns a venres co seguinte horario: de 10:00 a 13:30 e de 16:30 a 19:00 horas.
Ademais, xa está operativa tamén a posibilidade de que as socias e os socios liberen os seus asentos, en caso de non poder acudir a ABANCA-RIAZOR, nesta ligazón.