O partido do Dépor ABANCA B mañá sábado 21 ás 17:30 no campo vigués das Relfas ante o Sárdoma CF, correspondente á 3ª xornada na Tercera Federación, abre o calendario de partidos desta semana en ANOSACANTEIRA feminina.
O filial suma 4 puntos no que vai de liga cun empate en Valladolid na 1ª xornada e un triunfo a pasada fin de semana en Abegondo ante o Victoria FC.
Óscar Orro non poderá contar para o encontro entre outras con Elena Vázquez, citada polo primeiro equipo; nin a internacional venezolana Michi Apóstol, cunha lesión muscular. Por contra, si entraron na citación Martina Rivas, Paula Novo, Carmen Carballada (na foto da noticia), Paula Monteagudo e Laura Ruiz, futbolistas en dinámica do Dépor ABANCA.
Completan a convocatoria: Vázquez, Lucia Mariño, Noelia Mayo, Redru, Sara Cercido, Laura Otero, Anfal El Yamani e Yanis Citoula; ademais de Emma Gandoy, Dunia Dahmouni e Ana Capelo, do Orzán SD Sub-21; e Antía Veiga, do Orzán SD Cadete.
Precisamente para o domingo quedan os partidos dos 'orzanes', o Orzán SD Sub-21 Femenino ás 17:30 en Narón e o Orzán SD Xuvenil Femenino ás 18:00 na Torre.
O calendario de partidos é o seguinte:
Segunda Federación
3ª xornada: SÁRDOMA CF - DEPORTIVO ABANCA B, o sábado 21 de setembro ás 17:30 nas Relfas (Vigo)
Primera Autonómica
2ª xornada: SD O VAL - ORZÁN SD SUB-21 FEMENINO, o domingo 22 de setembro ás 17:30 no campo de O Sinde B
Segunda Autonómica
2ª xornada: ORZÁN SD XUVENIL FEMENINO - BREXO LEMA SD, o domingo 22 de setembro ás 18:00 na Torre (campo 2)