Falece o Dr. Barbeito, médico do RC Deportivo durante 24 temporadas
Antonio Barbeito Couceiro (A Coruña, 30 de xuño de 1928) faleceu esta madrugada na nosa cidade.
O Dr. Barbeito foi o médico do RC Deportivo durante case un cuarto de século da Nosa Historia. Comezou como galeno branquiazul en setembro de 1969 e exerceu os seus labores no Club até a súa xubilación en xuño de 1993, onde lle tomou a substitución outro histórico da entidade, o Dr. César Cobián.
Antonio Barbeito Couceiro foi o segundo Dr. Barbeito que tivo o Club, após o Dr. Barbeito Rouco nos anos 30 do século pasado, aínda que non os unía ningunha relación de parentesco.
O RC Deportivo quere trasladar aos familiares, amigos e compañeiros do dr. Barbeito durante toda a súa traxectoria profesional e no RC Deportivo o seu máis sincero pésame. DEP.