Coincidindo coas vacacións de Nadal no calendario escolar volveron un ano máis, os DéporCampus Cabreiroá, nos que puideron participar máis de dous centenares de nenos e nenas.
Esta semana estiveron en marcha este tres sedes, con algo máis de 100 inscritos:
A de Alvedro (foto principal da noticia) desenvolveuse a cuberto no campo de fútbol indoor das instalacións de PadelPlus.
A do Club del Mar (foto ao pé destas letras) tivo lugar tamén baixo teito nas instalacións do Club del Mar de San Amaro na Coruña.
Finalmente o campo da Gándara albergou o Dépor Campus Cabreiroá de Nadal en Pontedeume (foto inferior), con outro éxito de participación.
Nesta actividade da Fundación RC Deportivo puideron participar todos os nenos e nenas desde os 6 aos 14 anos en horario de 10:00 a 14:00 horas. Todos os participantes recibiron un equipamento oficial dos DéporCampus Cabreiroá, ademais dos diferentes sorteos de agasallos, actividades sorpresa...
Levaron a cabo diferentes actividades lúdicas todas elas relacionadas co fútbol baixo a supervisión dos adestradores da canteira do RC Deportivo.
Os obxectivos marcados foron os seguintes:
-Aprender e desenvolver a coordinación a través de xogos coordinativos.
-Aprender as habilidades e conceptos na relación co corpo.
-Aprender as habilidades e conceptos na relación co balón.
-Traballar os fundamentos técnico-tácticos cunha metodoloxía analítica.
-Competir e gozar mediante partidos en diferentes espazos.
-Transmitir os valores que representa o Dépor: RESPECTO, SOLIDARIEDADE, AMIZADE, XOGO LIMPO, INTEGRACIÓN, ESFORZO E FELICIDADE.
Arrinca o segundo trimestre na Escola RC Deportivo
A Fundación RC Deportivo non para posto que este mércores 8 de xaneiro arrinca o segundo trimestre da Escola RC Deportivo para 400 nenos e nenas repartidos nestas sedes: Alvedro, Outes, Colexio Jesuitinas, Colexio Internacional Eirís, Sada e Zas.
As inscricións están abertas aínda para as últimas quendas con prazas. Máis información en escola.rcdeportivo.es.
Para calquera dúbida ou consulta acerca da actividade poden contactar coa organización no correo electrónico escola@rcdeportivo.es.