Pablo Muñoz Crespo (San Sebastián de los Reyes, Madrid, 4 de setembro de 2003) ampliou o seu contrato co Dépor até o 30 de xuño de 2026. O madrileño terá ficha do Fabril.
O futbolista branquiazul é un centrocampista de carácter ofensivo que se formou nas categorías inferiores do Alcobendas CF, CD Chamartín Vergara e Rayo Vallecano.
Na súa primeira temporada na Coruña, na que estivo até o pasado mes de xaneiro, xogou 2 partidos de liga e 1 de Copa del Rey, en Langreo ante o CD Covadonga. Cedido ao Atlético Baleares na segunda metade do ano, participou noutros 4 partidos no Grupo 2º de Primera Federación.
Pablo Muñoz chegou ao RC Deportivo procedente do filial do Rayo Vallecano e chegou a debutar en Primera División co primeiro equipo franjirrojo na temporada 2022-23, concretamente na visita ao Atlético de Madrid (1-1) o 18 de outubro de 2022 substituíndo no minuto 80 a Álvaro García. Tamén xogou uns minutos ante o Sevilla FC pouco despois, o 29 de outubro.
