Pablo Brea non continuará pertencendo ao RC Deportivo.
O meta santiagués incorporouse á disciplina branquiazul no verán de 2015 procedente do Santiago de Compostela CF para formar parte do Cadete B. Entre medias saíu cedido dúas temporadas: Coruxo FC (2019-2020) e CD Arenteiro (2023-2024).
Desde agora, Pablo Brea poderá escoller libremente o seu próximo proxecto profesional, para o que o Deportivo, igual que a nivel persoal, deséxalle a maior das sortes, agradecéndolle tamén o seu traballo durante estes anos na Coruña.