Albert Gil Galve (Barcelona, 27 de decembro de 1975) será, desde mañá, novo director de fútbol formativo do RC Deportivo após a finalización da vinculación contractual do, até hoxe, director de canteira, Fran González Pérez.
Albert Gil incorporouse ao RC Deportivo como coordinador das categorías inferiores o 30 de xuño de 2014, desenvolvendo esas mesmas funcións ata hai dúas temporada. Durante todo ese tempo coordinou ao extenso equipo de profesionais que conforman o fútbol formativo do Club, que nos últimos anos logrou destacados éxitos como o campionato de España alcanzado polo Xuvenil que acabou disputando a histórica UEFA Youth League ou a confección dun Fabril que estivo a piques de lograr o ascenso no seu día a LaLiga SmartBank. Ademais dos resultados dos equipos, foi o responsable dos grupos de traballo que formaron aos xogadores de canteira que, após anos de formación, están a destacar no fútbol profesional e no primeiro equipo desde hai un lustro.
Doutor en Educación Física, Adestrador UEFA Prol e Máster en alto rendemento de fútbol, chegou ao RC Deportivo após ser coordinador da canteira de clubs como a Valencia, Tigres de México e Real Madrid.
O RC Deportivo quere agradecer a Fran González o traballo realizado durante as últimas tres temporadas como director de fútbol formativo, na súa segunda etapa, após a de futbolista, no Club, desexándolle os maiores éxitos persoais e profesionais nos seus futuros proxectos.
