O Dépor ABANCA, que recuperou posto de ascenso directo, comeza mañá martes a preparar a visita do Real Oviedo a Abegondo
O Deportivo ABANCA, que hoxe goza dunha xornada de descanso, comeza mañá martes 18 de abril a preparar a próxima cita ligueira, o domingo 23 ás 12:00 en Abegondo ante o Real Oviedo (Youtube RC Deportivo), en partido correspondente á 27ª xornada en Primera Federación Iberdrola.
O triunfo en Albacete e o resto de marcadores da xornada deixou ás Nosas en 2ª posición da táboa, posto de ascenso directo, con 46 puntos, a 6 de distancia do FC Barcelona B, líder con 52 puntos pero que non pode ascender a Primeira División pola súa condición de filial. Por detrás marchan CDF Osasuna Femenino e SD Eibar con 45 puntos; e CP Cacereño Femenino con 44 puntos.
Irene Ferreras disporá ao longo da semana de 5 sesións de traballo matinais na Cidade Deportiva, con traballo previo cada día de ximnasio e vídeo a partir das 9:00, antes de saltar ao céspede.
A planificación semanal, sempre susceptible de sufrir variación por razóns técnicas, é a seguinte:
Martes 18 de abril 10:00 h.
Mércores 19 de abril 10:00 h.
Xoves 20 de abril 10:00 h.
Venres 21 de abril 10:00 h.
Sábado 22 de abril 10:00 h.
Domingo 23 de abril 12:00: Deportivo ABANCA - Real Oviedo, en Abegondo