Hoxe domingo 22 de setembro os partidos dos 'orzanes' foron os protagonistas en ANOSACANTEIRA feminina.
O Orzán SD Sub-21 Femenino sumou un punto ao igualar (1-1) en Narón ao SD O Val en Primera Autonómica; e o Orzán SD Xuvenil Femenino dobregou (4-0) na Torre ao Brexo Lema SD en choque de Segunda Autonómica.
Onte sábado, o triunfo por 0-2 do Dépor ABANCA B no campo vigués das Relfas ante o Sárdoma CF, correspondente á 3ª xornada na Tercera Federación, abriu o calendario.
Decidiron para as branquiazuis os goles de Carmen Carballada e Laura Otero.
O filial suma 7 puntos no que vai de liga e empolícase aos postos altos.
Óscar Orro non puido contar para o encontro entre outras con Elena Vázquez, citada polo primeiro equipo; nin a internacional venezolana Michi Apóstol, cunha lesión muscular.
Por contra, si foron titulares Paula Novo, Carmen Carballada e Paula Monteagudo, futbolistas en dinámica do Dépor ABANCA.
Os resultados da fin de semana foron os seguintes:
Segunda Federación
3ª xornada: SÁRDOMA CF 0 - DEPORTIVO ABANCA B 2 (Carmen Carballada e Laura Otero)
Primeira Autonómica
2ª xornada: SD O VAL 1 - ORZÁN SD SUB-21 FEMENINO 1 (Daniela Macedo)
Segunda Autonómica
2ª xornada: ORZÁN SD XUVENIL FEMENINO 4 (Daniela Basalo, Sofía Milhem, Lucía González e Alexia Freire) - BREXO LEMA SD 0