O triunfo por 0-2 do Dépor ABANCA B hoxe sábado 21 no campo vigués das Relfas ante o Sárdoma CF, correspondente á 3ª xornada na Tercera Federación, abriu o calendario de partidos desta semana en ANOSACANTEIRA feminina.
Decidiron para as branquiazuis os goles de Carmen Carballada e Laura Otero.
O filial suma 7 puntos no que vai de liga e empolícase aos postos altos.
Óscar Orro non puido contar para o encontro entre outras con Elena Vázquez, citada polo primeiro equipo; nin a internacional venezolana Michi Apóstol, cunha lesión muscular.
Por contra, si foron titulares Paula Novo, Carmen Carballada e Paula Monteagudo, futbolistas en dinámica do Dépor ABANCA.
Para mañá domingo quedan os partidos dos 'orzanes', o Orzán SD Sub-21 Femenino ás 17:30 en Narón e o Orzán SD Xuvenil Femenino ás 18:00 na Torre.
O calendario de partidos, cos resultados dos xa xogados, é o seguinte:
Segunda Federación
3ª xornada: SÁRDOMA CF 0 - DEPORTIVO ABANCA B 2 (Carmen Carballada e Laura Otero)
Primera Autonómica
2ª xornada: SD O VAL - ORZÁN SD SUB-21 FEMENINO, mañá domingo 22 de setembro ás 17:30 no campo de O Sinde B
Segunda Autonómica
2ª xornada: ORZÁN SD XUVENIL FEMENINO - BREXO LEMA SD, mañá domingo 22 de setembro ás 18:00 na Torre (campo 2)
