Unha representación do Deportivo e do Deportivo ABANCA clausuraron hoxe venres no campo de herba sintética a 5ª quenda do DéporCampus Cabreiroá 2023 de Abegondo.
O acto, esperado por participantes e familiares, comezou sobre as 13:00 horas, algo máis tarde, debido a que o adestramento do primeiro equipo masculino alargouse máis do previsto.
Os 180 nenos e nenas desta quenda, formados en grupos acompañados dos seus monitores, agardaron polos seus ídolos do primeiro equipo masculino e feminino entoando os cánticos que habitualmente se escoitan cada fin de semana de partido en ABANCA-RIAZOR: "o branquiazul, é unha cor..."; ou ben o emocionante "DE POR TI VO" co que en moitas ocasións os futbolistas despídense no estadio de #ANOSAFORZA.
Ian Mackay, Germán Parreño, Retuerta, Jaime, Paris Adot, Víctor Narro, Lucía Alba, Paula Gutiérrez, Raquel García, Paula Monteagudo, Ana de Teresa e Noela foron esta vez os encargados de entregar os diplomas acreditativos, asinar autógrafos e gozar dun intre divertido desta quenda, penúltima na Cidade Deportiva, pola que este verán pasaron xa desde o 26 de xuño un total de 1.385 nenos e nenas.
Do luns 31 de xullo ao venres 4 de agosto celebrarase o 6º e última quenda en Abegondo, cun total de 154 nenos e nenas; e o de Catoira, con 58 inscritos.
Ante calquera dúbida ou consulta pódese contactar coa organización na dirección de correo electrónico deporcampus@rcdeportivo.es.
