Están á venda as entradas de público para o partido en ABANCA-RIAZOR fronte ao Real Zaragoza, correspondente á 18ª xornada en LaLiga Hypermotion, previsto para o sábado 7 de decembro ás 18:30.
Os prezos oscilan entre os 150 euros da nova Tribuna Inferior VIP (con acceso a catering) e os 30 euros de Marathón Superior, Marathón Inferior, Pavillón Superior e Pavillón Inferior.
En Marathón Inferior as entradas son nominativas. Por conseguinte, aqueles abonados que queren comprar unha entrada de público para a dita bancada teñen que facelo de maneira presencial na Oficina de Atención ao Deportivismo (OAD) presentando o DNI da persoa abonada.
As entradas poden adquirirse en calquera momento a través da páxina bancada.rcdeportivo.es e na OAD co seguinte horario de luns a xoves: de 10:00 a 13:30 e de 16:30 a 19:00 horas.
Ademais, xa está operativa tamén a posibilidade de que as socias e os socios liberen os seus asentos, en caso de non poder acudir a ABANCA-RIAZOR, nesta ligazón.